КФУ доценты Белинский исемендәге премиянең беренче лауреаты булды

Айрат Бик-Булатов бүләккә Казан медиа чараларында басылган мәкаләләре өчен лаек булды.

Казан федераль университеты Журналистика һәм медиакоммуникацияләр югары мәктәбенең милли һәм глобаль медиа чаралары кафедрасы доценты Айрат Бик-Булатов В.Г. Белинский исемендәге премиягә лаек булды. Ул «Театр тәнкыйтендә иҗади казанышлар өчен» номинациясендә беренче лауреат булды.

Бүләккә ул “Тантана” республика театр премиясе ( “Казанский репортер” онлайн-ММЧ порталында басылып чыкты), шәһәр халкы өчен театр турындагы (“Казан” журналы) язмалары һәм “Казанский истории” интернет-газетасында Казан ТЮЗы спектакльләренә басылган рецензияләре өчен лаек булды.

Айрат Бик-Булатов республиканың театр даирәләрендә күптәннән һәм яхшы билгеле. Быел ул беренче тапкыр “Тантана” республика театр фестиваленә һәм Бөтенроссия һәвәскәр театрларның  «Действующие лица» фестиваленә жюри әгъзасы сыйфатында чакырылды.

“Минем өчен бу премияне алу зур әһәмияткә ия. Беренчедән, бу минем эшне театр тәнкыйтьчесе буларак билгели торган беренче премия. Бу эшчәнлек минем өчен беркайчан да төп булмады, әмма соңгы вакытта мин аңа чыннан да шактый вакыт бирәм. Юкка гына мин 2021 елда ике театр фестиваленә жюрига  чакырылмадым. Мин бу эшемнең дә билгеләп үтүләренә бик шат. Икенчедән, әлбәттә, журналистика  тарихчыларының барысы өчен дә, минем өчен дә, Виссарион Григорьевич исеме үтә дә әһәмиятле, аның турында мин студентларга ел саен әйтәм, аның мисалында без журналистикага өйрәтәбез! Бигрәк тә минем өчен яңа булдырылган бөтенроссия премиясенең беренче лауреаты булу бик мактаулы. Аңа озын гомер телим», – диде А.Бик-Булатов.

Бөек әдәби һәм театр тәнкыйтьчесе В.Г.Белинскийның «Я в мире боец» исемендәге премиясе 2021 елда Пенза өлкәсенең Мәдәният һәм туризм министрлыгы ярдәмендә Пенза өлкәсе дәүләт әдәби-мемориаль музейлары берләшмәсе тарафыннан гамәлгә куелды.

Автор: КФУның медиакоммуникацияләр үзәге, фото: Пенза өлкәсе Мәдәният һәм туризм министрлыгы матбугат хезмәте

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.