КФУ студотрядлары һөнәри бәйрәмнәрен билгеләп үтә

Казан университеты студент отрядларына үсү өчен шартлар тудырып, алар эшчәнлегенә ярдәм итә.   

17 февральдә студент отрядларында катнашучылар үз һөнәри бәйрәмнәрен – Россия студент отрядлары көнен билгеләп үтәләр. Бу бәйрәм Казан федераль университетының студент отрядлары өчен дә истәлекле. 

Студент отрядларының төп юнәлеше –  төзелеш отрядлары. 1957 елда ук Казан университетында туган югары уку йорты үсеше өчен эшләүче төзелеш бригадалары барлыкка килә. Студент отрядлары элеккечә Россиянең иң киң татарлаган яшьләр хәрәкәтләренең берсе булып кала бирә.

Казан федераль университетының студентлар отрядлары активы җәйге чорда илнең әһәмиятле төзелеш объектларында, Татарстан Республикасының Кара диңгез яр буйларында балалар сәламәтләндерү лагерьларында, Краснодар крае һәм Кырым Республикасы шифаханәләрендә, ерак араларга йөри торган поездларны озатучылар булып эшлиләр, зур  халыкара ярышларда сервис хезмәтләре күрсәтәләр. Уку елы дәвамында отрядчылар үз эшләрен дәвам итәләр һәм университетның иҗтимагый-социаль тормышында актив катнашалар. Исегезгә төшерәбез, 8 февральдә «УНИКС» бинасында Студент отрядлары штабы һәм патриотик тәрбия үзәге эше өчен креатив идеяләр мәйданчыгы ачылды. Бу мәйданчык уртак эшчәнлек, яңа проектлар һәм идеяләрне гамәлгә ашыру өчен отрядларны берләштерәчәк.

Казан университетының медиакоммуникацияләр үзәгенә Яшьләр сәясәте департаменты директоры Юлия Виноградова әйтүенчә, КФУның студент отрядлары штабы күпсанлы мәдәни, спорт, иҗат һәм социаль юнәлешле чаралар оештыра һәм үткәрә: целина ачылышы һәм ябылу фестивальләре, КФУ СО Штабы  интеллектуады, спартакиада, Роналд Макдоналд йортына бару, Казан шәһәренең мәктәпләрендә булу.

«Шулай ук студентлар  вузның зур  чараларында рәхәтләнеп катнашалар – РФ югары уку йортларының тел юнәлешендә укымаган студентларның чит телләрне белү буенча «Полиглот» Бөтенроссия конкурсында волонтерлар булып эшлиләр, КФУ укытучылары һәм укучылары гаиләләре фестивалендә аниматорлар булып хезмәт итәләр, «КФУ – яхшы кешеләр планетасы» Студентларның  волонтерлар үзәге үткәргән социаль акцияләрендә, Бөтендөнья кан доноры көнендә актив катнашалар», – диде ул.

Казан федераль университеты администрациясе студент отрядлары эшчәнлегенә шартлар тудырып, ярдәм итә. Университетта 20 дән артык студент отрядларының җыелышлар, чаралар, мастер-класслар, отряд эшчәнлеге алып бару өчен мәйданчыклары бар. КФУ СО Штабы инициативасы белән «Росмолодежь» яшьләр проектлары Бөтенроссия конкурсында җиңүчеләр булган проектлар гамәлгә ашырыла: студент отрядларының белем бирү академиясе «СОвА», «Вожатый. Перезагрузка»» Идел буе федераль округы педагогика отрядлары слеты,  Студентлар отрядларының Кама аръягы слеты, “За Camping!” проекты,  «#СтудОрбита” Иҗади фестивале.  Студентлар саны ягыннан иң күбе төп югары уку йорты штабы – 5 юнәлеш буенча 12 отряд: төзелеш, педагогик, сервис отрядлары, озатучылар отрядлары, шулай ук волонтерлык эшчәнлеге белән шөгыльләнүче «Мирас» студентларының социаль отряды. «Татарстан Республикасы ел студенты – 2020» студент премиясе йомгаклары буенча «Ел студент оешмасы» номинациясендә лауреат дипломы белән  КФУ Алабуга институтының студентлар отрядлары штабы бүләкләнде.

Штаб кураторы, Казан университетының Яшьләр сәясәте департаментында укучыларга социаль ярдәм күрсәтү һәм аларны социаль яклау бүлегенең яшьләр белән эшләү белгече Альбина Муткина сүзләренә караганда, студент отрядлары укучыларга хезмәт эшчәнлегенең беренче тәҗрибәсен алырга, илебезнең төрле төбәкләрен күрергә, үзләренең иҗади һәм идарә итү потенциалын тормышка ашырырга мөмкинлек бирә.

“Студентлар төзелеш отрядларында эшләүчеләр төзелеш белгечлекләренең беренчел күнекмәләрен ала, уку уза һәм эш белгечлеге алу турында документлар ала. Шулай ук студент төзелеш отрядларын башкалардан зур хезмәт хакы белән аерылып тора – 2 ай эчендә 100 мең сумнан артык акча эшләргә мөмкин”, – диде ул.

Студентлар педагогика отрядлары Краснодар крае һәм Татарстан Республикасының балаларны савыктыру лагерьлары базасында эшлиләр. Бу отрядларда эшләүчеләр үзләренең профессиональ күнекмәләрен үстерәләр һәм ышанычлы дуслар табалар. Тимер юллар романтикасы ел саен Казан университетының берничә йөз студентын җәлеп итә. «Федераль пассажир компаниясе» АҖ базасында озатучылар мәктәбе уза.

«Студентлар сервис отрядлары КФУ студент отрядлары өчен яңа юнәлеше. Студентларның сервис отрядлары эшчеләре һәм кандидатлары җәй көне кунакханә комплексларында һәм шифаханәләрдә официантлар, ашханә, пляж хезмәткәрләре, коткаручылар, хостес һәм кунак итү өлкәсендә башка вазифаларда эшлиләр. Дуслары белән Кара диңгез ярындагы эш  иң яхшы хатирәләр калдыра һәм бәһасез, кайчак беренче эш тәҗрибәсе бирә”, – дип өстәде А.Муткина.

Студент отрядлары эшчеләре, башка студентлар кебек үк, югары стипендиягә исәп тота алалар. Моның өчен алар портфолио формалаштыралар, гариза белән кирәкле документларны теркәп куялар.

КФУ студентлар отрядлары комиссары Алена Кузнецова Медиакоммуникация үзәгенә, ничек итеп 2018 елда  отрядка килү тарихы белән уртаклашты:

“Миңа целина йогынты ясады. Минем өчен соңыннан дусларга әверелгән кешеләр белән каядыр бару авыр булмады. Мин һәр тәнәфес аралашыр өчен бер-беребезгә йөргәнне хәтерлим. Целинадан соң миңа штаб медиаүзәге җитәкчесе булырга тәкъдим иттеләр. Мин ризалаштым. Нәкъ шул вакытта мин башка отрядлар белән таныша башладым. Шунда ук бу кешеләр белән нәрсә идарә иткәнен күрдем. Алар барысы да төрле, ләкин һәркайсы теге яки бу дәрәҗәдә үз отряды энергетикасына туры килә. Бу мине илһамландырды, бүген дә илһамландыра”.

Ул алда КФУ Штабында җиңүләр күп булуына ышана.

“Бездә дустанә атмосфера, ярдәм, үзеңне тормышка ашыру мөмкинлеге һәм син үз урыныңда дигән хис бар – үз штабымны барыннан да бигрәк шуның өчен күбрәк яратам һәм хөрмәт итәм”, – дип йомгаклады комиссар.

Белешмә өчен.

РСО көнен бәйрәм итү 2004 елның 17 февралендә Мәскәүдә Студентлар отрядларының Бөтенроссия форумында “Россия Студентлар отрядлары (РСО)” яшьләр гомумроссия иҗтимагый хәрәкәте оештырылуы нигезендә билгеләнде. Россия студент отрядлары хәрәкәте 60 ел дәвамында иң массалы булып тора һәм яшьләр арасында да, ил өчен дә популяр булып кала.  Студент отрядлары мәктәбе аша барлыгы 18 миллионнан артык кеше үтте.

Исегезгә төшерәбез, 1 марттан КФУның Студентлар отряды яшь көчләре: вожатыйлар, сервис юнәлеше һәм озата йөрүчеләр мәктәбе старт ала. Нәтиҗәләр буенча алар сертификатлар ала һәм шуның ярдәмендә алга таба эшли алачаклар.

Автор: Рүфинә Гыймалетдинова, фото: Максим Зарецкий

 

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.