Бүген татар журналистикасы кафедрасында тарихи вакыйга — журналист, язучы Гөлсинә Галимуллина исемендәге премияне тапшыру тантанасы узды. Ул быел беренче тапкыр үткәрелде. Премияне гамәлгә куючы һәм аның иганәчесе — Гөлсинә ханым үзе.

Бәйгедә беренче курс студентлары катнаша ала. Җиңү өчен яхшы уку һәм җәйге практиканы уңышлы узу шарт. Гөлсинә Галимуллина сүзләренчә, премиянең төп максаты — журналист профессиясенең дәрәҗәсен күтәрү.

Премиянең беренче җиңүчеләре булып Айсылу Нигъмәтҗанова һәм Назлыгөл Мәсәлимова танылдылар. Бу бәйге кафедраның матур бер традициясенә әверелер дип ышанып калабыз.

Илгиз Шәкүров