КФУ лицей укучылары мәктәпләр өчен информатика буенча Бөтенроссия олимпиадасының ахыргы этабында җиңүгә ирештеләр.

Җиңүчеләр һәм бүләккә лаек булучылар арасында Н.И. Лобачевский исемендәге лицейның берьюлы биш укучысы булды. 1 апрельдан 5 апрельга кадәр Ульяновск шәһәрендә информатика буенча Бөтенроссия олимпиадасының ахыргы этабы булып узды. Анда Россия Федерациясенең 85 өлкәсеннән 244 укучы катнашкан. Алар арасында Казан Федераль Университетының Н.И. Лобачевский исемендәге интернат-лицеенда укып килүче команда да бар. Җиңүчеләр: Илдар Гайнуллин (9 сыйныф), Рамазан Рахматуллин (11 сыйныф), Асхат Сахабиев (11 сыйныф). Бүләккә лаек булучылар: Азат Исмагыйлов (9 сыйныф) һәм Исмәгыйль Сайфетдинов (11 сыйныф).

Команданы информатика укытучысы һәм лицей укучылары командасы тренеры Сергей Михайлин әзерләгән.

Лилия Әхмәтгалиева тәрҗемәсе