КФУ Психология һәм белем бирү институтының укыту һәм тәрбия методологиясе кафедрасы мөгаллимнәре КФУның база мәктәпләре белән тыгыз бәйләнештә. Бу элемтә әлеге кафедра алып бара торган профориентацион эш кысаларында тәэмин ителә.
Шушы көннәрдә кафедра мөгаллимнәре Болгарның 2 нче номерлы урта гомуми белем бирү мәктәбендә «Киләчәк мәктәбенә укытучы яки укытучы-робот кирәкме?» дигән темага дискуссия оештырдылар. Анда 11 сыйныф укучылары катнашты. «Электрон мәгарифтә компетенция мәктәбе» дигән исеме булуга карамастан, укучыларның фикерләре аерылды. Бер өлеш укытучы-робот кулланылганда дәүләт акчаларын янга калдыру һәм башка субъектив факторлар турында әйтте. Икенче өлеш укытучы белән җанлы аралашу яклы булып чыкты. Шулай ук дискуссиядә катнашучылар аралашуның кешенең гомуми үсешендә әһәмиятен билгеләп үттеләр. Машина укытучыны алыштыра алмый, ә бары тик үз хезмәтен җиңеләйтү һәм нәтиҗәлелеген арттыру максатында яхшы чара гына булып тора.
Дискуссиягә йомгак ясап, КФУның психология һәм мәгариф институты мөгаллимнәре укытучы һөнәренең үзенчәлекләре турында сөйләделәр, өлкән сыйныф укучыларына КФУның педагогик әзерлек юнәлешенә укырга керергә тәкъдим иттеләр.