«Яңа гасыр» телерадиокомпаниясендә тәүлек буе татар телендә эшли торган «Шаян ТВ» телеканалы 2018 елда эшләп китә. Балалар телеканалының максаты — яшь тамашачыларда «дөрес», сыйфатлы татар телендә аралашу культурасын тәрбияләү. Бүген телеканал татар телендәге беренче мәгариф-танып белү мохите. Ул татарстан сабыйларына гына түгел, ә башка регионнарда яшәүчеләр өчен дә юнәлдерелгән.

Телеканал татар телендә эшли һәм 15 яшькәчә балаларга юнәлдерелгән. Татар теленә тәрҗемә ителгән һәм оригиналь мультфильмнар, балалар тормышы һәм иҗаты турындагы тапшырулар — беренче балалар телеканалында һәр нәрсәгә урын бар. Каналның төп герое — Шаян атлы шук һәм күп белергә омтылган малай. Аның дуслары: тәти кыз Биби, песи баласы Мияу һәм Маэмай атлы электрон уенчык.

КФУ Психология һәм мәгариф институтының белем бирү һәм тәрбия методологиясе кафедрасы мөдире, профессор Әнвәр Хуҗиәхмәтов әйтүенчә, «Шаян ТВ» балалар телеканалы Татарстан Президенты тәкъдиме белән барлыкка килде. Президент фикеренчә, бу канал телне, милли мәдәниятне һәм мәгарифне саклауда мөһим.

Күп еллык тәҗрибәгә һәм чит ил аналогларына нигезләнеп, телеканалда 17 оригиналь тапшыру тәкъдим ителгән. Әнвәр Хуҗиәхмәтов әйтүенчә, балалар-яшүсмерләр аудиториясенең яшь һәм психологик үзенчәлекләрен исәпкә алып, телеканалда танып-белү эшчәнлеген үстерүгә һәм тирә-юнь белән танышуга юнәлдерелгән тапшырулар әзерләнә.

«Татар теленә җиңел уен формасында өйрәтә торган «Бергәләп өйрәник» тапшыруы. Программаның максаты — балаларның татар теленә кызыксынуын арттыру. «Кичке әкиятләр» тапшыруы балаларны дөньяның иң яхшы әкиятләре белән таныштыра, балаларны нәрсә яхшы һәм нәрсә начар икәнен, яхшылык һәм начарлыкны аерырга өйрәтә«.

7-11 яшьлек тамашачылар өчен акыл эшчәнлеген, логик фикерләүне үстерә торган «Акыл батл» интеллектуаль уены әзерләнә. “Җырлы SELFIE” тапшыруының максаты — гаджетлар ярдәмендә популяр татар җырларын өйрәнү. Шулай ук татар теленә тәрҗемә ителгән фәнни-популяр фильмнар әзерләү дә күздә тотыла. 

11-15 яшьлек тамашачылар өчен «Уймак» тапшыруы әзерләнә. Уенда физик активлыктан тыш эрудициялек һәм зирәклек тә тикшерелә. «Шома бас» тапшыруының һәр чыгарылышы яшь телевизор караучыларны халык, стилизацияләнгән һәм эстрада биюләрен башкаручы бию коллективлары белән таныштыра.

«Шаян ТВ» телеканалының фәнни җитәкчесе һәм Җәмәгать шурасы әгъзасы булган профессор Әнвәр Хуҗиәхмәтов әйтүенчә, барлык тапшыруларны әзерләүдә диярлек Психология һәм белем бирү институтының  методистлары, аспирантлары, магистрантлары һәм студентлары актив катнаша.