15 февраль көнне Татарстанның Язучылар берлеге һәм  КФУның Филология һәм мәдәниятара багланышлар институтының Г.Тукай исемендәге Милли мәдәният һәм мәгариф югары мәктәбе студентлары  күренекле татар язучысы Әмирхан Еникинең каберен зиярәт иттеләр.

Татар әдәбияты классигы, бөек язучы Әмирхан Еникинең тууына 2 мартта (иске стиль белән 17 февральдә) 110 ел тула, 16 февральдә әдипнең бакыйлыкка күчкәненә 19 ел. Язучының юбилеена мөнәсәбәтле чаралар 12 февральдә киң җәмәгатьчелек катнашында Г.Камал исемендәге Татар Дәүләт академия театрында әдәби-музыкаль кичә белән башланды.  Иске татар зиратында 15 февраль көнне әдип рухына багышлап дога кылынды.

Вакыйгада Татарстанның Дәүләт советы депутаты, танылган татар әдибе Разил Вәлиев, Әмирхан Еникинең оныгы Рөстәм Тюменев-Еники, Язучылар берлеге рәисе Данил Салихов, берлек урынбасары  Рамис Аймәт, күренекле татар язучылары  Галимҗан Гыйльманов, Марсель Галиев, Әхәт Гаффар, Марат Әмирханов  һ.б. катнашты.

Әдәбият галимнәре татар әдәбиятының икенче яртысын дәвере Әмирхан Еники эпохасы буларак бәяләнә ала, дигән  карашта. Язучылар Әмирхан Еникинең татар әдәбиятындагы урыны алыштыргысыз икәнен билгеләп үтте. КФУ доценты Гөлфия Гайнуллина бу чара Әмирхан Еникинең 110 еллыгына багышлап планлаштырылган  гамәлләрне башлар алдыннан әдипнең рухына якты сүз, диде. Чарада катнашкан студентлар Казан федераль университетының Филология мәдәниятара багланышлар институтында Әмирхан Еники иҗаты тирәнтен өйрәнелә диде.