КФУ студентлары Кытайда “Идел-Янцзы” яшьләр форумында катнаша

Форум ачылышы бүген Кытайның Хунань провинциясенең Чанша шәһәрендә узды. «Идел-Янцзы» VI Россия-Кытай яшьләр форумы 16-25 июль көннәрендә Кытай башкаласында узачак.

Кытайның Чанша шәһәренә форумда катнашу өчен Идел буе федераль округы вузларыннан 130дан артык студент һәм аспирант килде, шул исәптән бишесе – Татарстан Республикасыннан. Икесе В. Тимирясов исемендәге Казан инновацион университетын һәм өчесе – Казан федераль университетын тәкъдим итә. Чарада КФУ исеменнән Халыкара мөнәсәбәтләр институтының өч вәкиле: 4 курс студенты Александра Баданова һәм аспирантлар Ләйсән Мирзиева һәм Лилия Нуриева катнаша. Кытай –  Янцзы елгасының югары, урта агымнарында урнашкан 160 студент белән тәкъдим ителгән.

“Идел-Янцзы” Россия-Кытай яшьләр форумы Россия Федерациясе Президентының Идел буе федераль округындагы тулы вәкаләтле вәкиле Игорь Комаров патронаты белән уза. Форумның төп максаты-Кытай Халык Республикасы һәм Россия арасында ике яклы мөнәсәбәтләрне ныгыту, Кытай һәм Россия яшьләре хезмәттәшлеге өчен ныклы нигез булдыру.

Бүген Чанша шәһәренең Үзәк Көньяк университетында узган «Идел-Янцзы» форумын ачу тантанасында Кытай Халык Республикасы Дәүләт Советы әгъзасы Ван Юн һәм Россия Федерациясе Президентының Идел буе федераль округындагы Тулы вәкаләтле вәкиле урынбасары Олег Машковцев катнашты.

Ун көнлек форум вакытында анда катнашучылар КХР университетларында булачак, танылган Кытай галимнәре лекцияләрен тыңлый, «Россия көне» һәм «Кытай Көне» тематик форумнарда, спорт ярышларында катнаша алачак. Моннан тыш, алар Кытайның танылган компанияләрендә, шул исәптән Zoomlion һәм BROAD компанияләрендә, КХР Мәгариф министрлыгы каршындагы тимер юл транспортында хәрәкәт куркынычсызлыгы лабораторияләрендә булачак, Кытайның истәлекле урыннарын күрәчәкләр һәм, әлбәттә, яңа дуслар табачаклар.

Казан федераль университеты Идел буе федераль округы вузлары һәм Янцзы елгасының югары һәм урта агымнары провинцияләре Халыкара Ассоциациясе («Идел-Янцзы»югары уку йортлары ассоциациясе) катнаша. Әмма КФУ бу төбәкнең югары уку йортлары белән генә түгел, ә хезмәттәшлекне дә үстерә. Барлыгы КФУ һәм КХР уку-укыту һәм фәнни учреждениеләре һәм төрле компанияләр арасында 38 килешү имзаланды. Хезмәттәшлекнең төп юнәлешләре-гуманитар фәннәр, геология һәм нефть-газ технологияләре, мәгълүмат технологияләре. Казан федераль университетында Кытайдан шактый күп студентлар белем ала; шулай итеп, 2018-2019 уку елында төрле программалар буенча КФУда Кытайның 1074 вәкиле белем алды.

Альберт Гатауллин әзерләде. КФУ Журналистика һәм медиакоммуникацияләр югары мәктәбе магистры.