«Элек безнең институт студентлары Minecraft та Универсиада авылы, КФУ биналарын төзеделәр. Хәзер алар уеннарда катнашучыларны язгы кыр эшләрен тәмамлауның татар һәм башкорт халык бәйрәме белән таныштырырга булдылар», — диде КФУ Исәпләү математикасы һәм мәгълүмат технологияләре институтының тәрбия һәм социаль мәсьәләләр буенча директор урынбасары Антон Егорчев.

26 июньдә Minecraft та Сабантуйны хәтерләткән локация барлыкка киләчәк. Әгәр Minecraft уенына 11:00 дән 20:00 гә кадәр керсә, бәйрәмнең ничек узуын теләсә кем күрә ала. Серверга керү ВКонтактеда ИВМиИТ төркемендә ачылачак. 15:30да онлайн-бәйрәмгә Vika Karter һәм Утенок Джек кушылачак. Алар локация буенча онлайн-экскурсия үткәрәчәк һәм Сабантуйның ни икәнен аңлатачак.

«Минем җитәкчелектә сигез студенттан торган команда ай дәвамында Сабантуйның вакыйгалар булачак  виртуаль мәйданчыгын булдыру буенча эшләде. Уенда катнашучылар Сабантуйның  традицион ярышларын күрә алачак: кашыкка йомырка саплып йөгерү; чиләк-көянтә белән йөгерү; бүрәнә өстендә печән тутырылган капчыклар белән сугыш; гер күтәрү; ат чабышлары, әтәч бәйләп куелган баганага менү һәм башка бик күп нәрсәләр. Без бәйрәмне ничек күз алдына китерәбез, шулай тәкъдим итәргә тырыштык. Бу җиңел булмады, чөнки Minecraft — «кубик» уены, монда барысы да LEGO конструкторындагы кебек шактый зур кубиклардан тора. Уенның мондый төрен «комлыклар» дип атау кабул ителгән, — дип сөйләде Исәпләү математикасы һәм мәгълүмат технологияләре институтының 2 нче курс магистранты Алмаз Әхмәтҗанов.

Ул студентлар онлайн-бәйрәм әзерләүгә күңел биреп эшләделәр һәм алар Сабан туе атмосферасын тапшыра алган дип өметләнәм, дип билгеләп үтте.

Автор: Лариса Бусиль