КФУ Бөекбританиянең Times Higher Education журналы версиясе буенча дөньяның 600 иң яхшы университеты арасына керде. Рейтинг басманың рәсми сайтында дөнья күргән.
ТНЕ рейтингка Казан илкүләм тикшеренү технология университетын да керткән – ул 1000+ позициясен били.
Исемлеккә Россиянең барлыгы 39 уку йорты кергән. Алар арасында Ломоносов исемендәге Мәскәү дәүләт университеты иң югары баскычта урнашкан – ул 189 нчы урынны били.
Оксфорд университеты – беренче, Калифорния технология институты – икенче, Кембридж университеты өченче урында.
Мәгълүмат «Татар информ» МА алынды