15 февраль көнне Казан федераль университетында журналистика факультетының беренче деканы Флорид Әгъзәмов исемендәге аудитория ачылу тантанасы булачак.
Әлеге чара ел саен уза торган Халыкара фәнни-гамәли «Әгъзәмов укулары» конференциясе уңаеннан көтелә. Конференцияне КФУ, Татарстанның журналистлар союзы һәм «Республика Татарстан» белән «Ватаным Татарстан» газеталары оештыра.
Аудиторияне ачу 15 февраль көнне 10.00 сәгатьтә Профессор Нужин урамы, 1/37 адресы буенча урнашкан Журналистика һәм медиакоммуникацияләр югары мәктәбендә булачак.
Мәгълүмат өчен. 2016 нчы елда 19 май — Татарстан матбугаты көнендә галим яшәгән Чистай урамындагы йортка истәлек тактасы куелган иде. Әгәр исән булса, быел аңа 82 яшь тулган булыр иде.