Киберһөҗүмгә ничек каршы торырга?

«Ростелеком» һәм аның «Ростелеком-Солар» бүлек компаниясе югары уку йортлары студентлары өчен «Киберчакыру: яңа дәрәҗә» мәгълүмати куркынычсызлык буенча бөтенроссия онлайн-ярышларын үткәрәчәк. КФУ студентларын ярышларда актив катнашырга чакыралар. Иң көчлеләр мәгълүмат куркынычсызлыгы буенча белем бирү программасында катнашачаклар һәм Solar JSOC кибер һөҗүмгә җавап бирү һәм мониторинг буенча Россиянең зур үзәгендә стажировка узачак.

Ярышларның ике этабы планлаштырылган. Беренчесе – мәгълүмати куркынычсызлык буенча онлайн-ярыш. Төп тема: технологик процесс белән идарә итүнең автоматлаштырылган системасын (АСУ ТП) яклау. Студентлар компьютер криминалистикасы, криптография, реверс-инжиниринг һәм веб-куркынычсызлык буенча мәсьәләләрне хәл итәчәк.

Эшләрне автоматлаштырылган динамикалы скоринг системасы бәялиячәк: кешеләр күбрәк булган саен, мәсьәлә тиз хәл ителәчәк, аның бәясе дә азрак булачак. Катнашучылар рейтингы реаль вакыт режимында ярышлар сайтында яңартылачак.

Икенче этапта максималь балл җыйган 60 студент экспертлар белән скайп-интервью узачак. Сайлап алу нәтиҗәләре буенча 40 финалист сентябрь аенда Сочида киберкуркынычсызлык буенча белем бирү үзәгенә барачак.

Белем бирү программасы автоматлаштырылган системаларның иминлеген тәэмин итү, веб-кушымталар, Вирусология, реверс-инжиниринг һәм флорензика өлкәләрендә теоретик һәм гамәли әзерлекне үз эченә ала. Лекцияләрне мәгълүмат куркынычсызлыгы тармагының әйдәп баручы экспертлары һәм «Ростелеком-Солар» хезмәткәрләре укыячак, алар Корпоратив һәм банк инфраструктурасын яклау мәсьәләләре белән бәйле реаль кейслар тәкъдим итәчәк, мәгълүмати куркынычсызлыкны тәэмин итүнең хокукый аспектлары турында сөйләячәкләр, киберһөҗүмне ачыклау, анализлау һәм тикшерү буенча иң яхшы тәҗрибәләр белән уртаклашачаклар.

Ярышларда катнашу өчен 19 июльгә кадәр сайтта теркәлергә кирәк. Программалаштыру һәм киберкуркынычсызлык белән кызыксынучы 18-22 яшьлек студентлар үзләрен сынап карый ала.

Ярышларның Онлайн-этабы 20-21 июльдә узачак, финалистлар белән скайп-интервью 22-24 июльдә узачак. Нәтиҗәләр 26 июльдә ярышлар сайтында басылып чыгачак.

Белем бирү программасының онлайн-версиясе ачык режимда көз көне барлыкка киләчәк. Киберкуркынычсызлык буенча белгечләр әзерләү өлкәсендә барлык теләүчеләр дә белемен арттыра ала.

Альберт ГАТАУЛЛИН әзерләде. КФУ Журналистика һәм медиакоммуникацияләр югары мәктәбе магистры.